වැට් බද්දෙන් නිදහස් කරන ලද භාණ්ඩ ගැන දැනුම්දීමක්

වැට් බද්දෙන් නිදහස් කර තිබූ අයිතම 138ක් අතුරින් අයිතම 97කට වැට් බදු පැනවෙන බව මුදල් රාජ්‍ය අමාත්‍ය රංජිත් සියඹලාපිටිය මහතා සඳහන් කර තිබෙනවා.

ඒ මහතා මේ බව සඳහන් කළේ, අද (10) පාර්ලිමේන්තුවේදි එකතු කළ අගය මත බදු සංශෝධන පනත් කෙටුම්පත සහ මුදල් පනත් කෙටුම්පත දෙවන වර කියවීමේ විවාදය අවස්ථාවේදී.

ඒ අනුව ඖෂධ, ආබාධිත උපකරණ, හාල් පිටි, තිරිඟු පිටි, එළවළු, පළතුරු, දියර කිරි සහ සුවසැරිය ගිලන් රථ සේවාව සඳහා වැට් බදු අය නොකෙරෙන බවද ඒ මහතා වැඩිදුරටත් සඳහන් කළා.