රංගන ශිල්පී විජයිගේ දියණිය සියදිවි නසාගනී

කොලිවුඩ් සිනමාවේ සුප්‍රකට රංගන ශිල්පියෙක් මෙන්ම සංගීත අධ්‍යක්ෂවරයෙක්ද වන විජයි ඇන්ටනීගේ දියණිය සියදිවි නසාගෙන තිබෙනවා.

විදෙස් මාධ්‍ය සඳහන් කළේ, ඇය චර්ච් පාර්ක් පාසලේ 12 වන ශ්‍රේණියේ ඉගෙනුම ලබමින් සිට ඇති බවයි.

කිසියම් මානසික ආතතියකින් පසුවී ඇති දියණිය ඊයේ (18) රාත්‍රියේ නින්දට ගොස් අලුයම 3ට පමණ නිවසේ විදුලි පංකාවේ එල්ලී සියදිවි නසාගෙන ඇති බව විදෙස් මාධ්‍ය වාර්තා කළා.

පසුව විජයි ඇන්ටනී විසින් දියණියව බේරාගෙන මෝටර් රථයකින් කාවේරි රෝහල වෙත රැගෙන ගොස් තිබෙන අතර දැරිය පරීක්ෂා කර ඇති වෛද්‍යවරුන් පවසා ඇත්තේ, ඇය ඒ වනවිටත් මියගොස් සිටි බවයි.

රංගන ශිල්පී විජයි ඇන්ටනී 2006 වසරේදී ෆාතිමා සමග විවාහ දිවියට පැමිණ ඇති අතර, මියගොස් ඇත්තේ මීරා නැමති 16 හැවිරිදි දියණියයි.

කෙසේවෙතත් මෙම සිදුවීමෙන් සිනමා ක්ෂේත්‍රය දැඩි ලෙස කම්පාවට පත්ව ඇතැයි ද විදෙස් මාධ්‍ය වාර්තා කළා.