දේශීය
අද පාර්ලිමේන්තු පක්ෂ නායකයින්ගේ විශේෂ රැස්වීමක්
පාර්ලිමේන්තුවේ පක්ෂ නායකයින්ගේ විශේෂ රැස්වීමක් අද (20) කැඳවා තිබෙනවා.
නියෝජ්‍ය කථානායක අජිත් රාජපක්ෂ මහතා පැවසුවේ, දහවල් 12ට එම පක්ෂ නායක රැස්වීම පැවැත්වෙන බවයි.
එමෙන්ම අද පාර්ලිමේන්තුවේ විශේෂ පක්ෂ නායක රැස්වීමක් කැඳවා තිබෙන්නේ කෝප් කමිටුවේ වත්මන් තත්ත්වය පිළිබඳව සාකච්ඡා කිරීම සඳහා බවයි වාර්තාවන්නේ.
එහිදී වත්මන් කෝප් කමිටුව අඛණ්ඩව පවත්වාගෙන යන්නේද නැත්නම් එය විසුරුවා ඒ සඳහා නව සාමාජිකයින් පත්කරන්නේද යන්න පිළිබඳව එහිදී සාකච්ඡා කෙරෙනු ඇති බව නියෝජ්‍ය කතානායක සඳහන් කළා.
ඒ අනුව නැවත දැනුම්දෙන තුරු කෝප් කමිටු රැස්වීම් නොපවත්වන බව කථානයක මහින්ද යාපා අබේවර්ධන මහතා පසුගිය සිකුරාදා පාර්ලිමේන්තුවට දැනුම්දී තිබෙනවා.
ඒ, ශ්‍රී ලංකා ක්‍රිකට් විමර්ශනයට අදාළව කෝප් කමිටුවේ සභාපති මහාචාර්ය රංජිත් බණ්ඩාර මහතා සම්බන්ධයෙන් මතුවූ විවේචනාත්මක තත්ත්වයෙන් පසුවයි.