දේශීය
ප්‍රධාන මාර්ගය අවහිර කරමින් තංගල්ලේ විරෝධයක්
කොළඹ – කතරගම මාර්ගය තංගල්ල පල්ලික්කුඩා ප්‍රදේශයෙන් අවහිර කරමින් ධීවර ජනතාව විරෝධතාවයක් ආරම්භ කර තිබේ.
ඒ, තංගල්ල ධීවර වරායෙන් මුහුදු ගිය ධීවරයින් කඩිනමින් ගොඩබිමට ගෙනවිත් දෙන ලෙස බලධාරීන්ට බල කරමිනි.
ධීවර කටයුතු සඳහා මුහුදු ගිය එම ධීවරයින්ට ඊයේ (28) රාත්‍රියේ මුහුදේ පාවෙමින් තිබු බෝතල් කිහිපයක් හමුවී ඇති අතර මත්පැන් බව සිතා ඔවුන් ඒවා පානය කර තිබේ.
ඒ හේතුවෙන් යාත්‍රාවේ සිටි ධීවරයින් 06 දෙනාම දැඩි ලෙස අසාධ්‍ය වී ඇති අතර මේ වනවිට දෙදෙනෙකු මියගොස් තිබෙන බව වාර්තා වෙයි.