කෙහෙළියගේ සමීපතමයන්ගේ වත්කම් ගැනත් විමර්ශනයක්
හිටපු අමාත්ය කෙහෙළිය රඹුක්වැල්ල මහතාගේ වත්කම් පිළිබඳව සිදුකරන විමර්ශන කටයුතු පුළුල් කිරීමට අල්ලස් හෝ දූෂණ චෝදනා විමර්ශන කොමිෂන් සභාව තීරණය කර තිබෙනවා.
ඒ අනුව කෙහෙළිය රඹුක්වැල්ල මහතාගේ සමීපතම ඥාතීන්ගේ සහ සේවකයන්ගේ ඉපැයීම් පිළිබඳවද අල්ලස් හෝ දූෂණ චෝදනා විමර්ශන කොමිෂන් සභාව සොයා බලනු ඇති.
ඒ සඳහා අවශ්ය ඉදිරි පියවර ඉදිරි දින කීපයේදී ගනු ඇතැයි අල්ලස් හෝ දූෂණ චෝදනා විමර්ශන කොමිෂන් සභාවේ ජ්යෙෂ්ඨ නිලධාරියකු ප්රකාශ කළා.
ඔහු පවසන්නේ, කෙහෙළිය රඹුක්වැල්ල මහතා සහ ඔහුගේ පවුලේ සාමාජිකයන් ඔවුන්ගේ ධනය උපයාගත් ආකාරය සම්බන්ධයෙන් ලබාදී ඇති ප්රකාශ සම්බන්ධයෙන් සෑහීමකට පත්විය නොහැකි බවයි.
ඒ හේතුවෙන් රඹුක්වැල්ල මහතාගේ සමීපතම ඥාතීන්ගේ සහ සේවකයන්ගේ ඉපැයීම් පිළිබඳව අල්ලස් හෝ දූෂණ චෝදනා විමර්ශන කොමිෂන් සභාව සොයා බැලීමට තීරණය කළ බව එම ජ්යෙෂ්ඨ නිලධාරියා ප්රකාශ කළා.
හිටපු අමාත්යවරයාගේ, ඔහුගේ බිරිඳගේ, දියණියන් තිදෙනාගෙ සහ බෑණාගේ ස්ථාවර තැන්පතු 16ක්, රක්ෂණ ඔප්පු තුනක් එළඹෙන ඔක්තෝබර් 4 වැනිදා දක්වා අත්හිටුවීමට කොළඹ මහාධිකරණය මීට පෙර නියෝග කර තිබුණා.