දේශීය
ජල ටැංකියකට වැටී කුඩා දරුවෙක් මිය ගිහින්
මසුන් ඇතිකරන ජල ටැංකියකට ඇද වැටී දියේ ගිලී සිගිති දරුවෙකු මියගොස් තිබෙනවා.
මෙලෙස මියගොස් ඇත්තේ, නැගෙනහිර මිද්දෙනිය ලිපිනයේ පදිංචිව සිටි සමරකෝන් මුදියන්සේලාගේ අයෝන් කොවිජ නමැති තුන් හැවිරිදි දරුවෙක්.
පොලීසි පැවසුවේ, ඊයේ (07) පස්වරුවේ මෙම අනතුර සිදුව ඇති බවයි.
මිද්දෙනිය රෝහලේ ප්රතිකාර ලබමින් සිටියදී මෙම කුඩා දරුවා ජීවිතක්ෂයට පත්වූ බව රෝහල් ආරංචි මාර්ග සඳහන් කළා.
මරණය සම්බන්ධයෙන් මිද්දෙනිය පොලීසිය වැඩිදුර විමර්ශන සිදුකරනු ලබනවා.