ජාතික අධ්යාපන ප්රතිපත්තියට සරසවි ඇදුරන්ගේ විරෝධය
යෝජිත අධ්යාපන ප්රතිපත්ති රාමුව මඟින් මෙරට අධ්යාපන පද්ධතිය වැඩි වශයෙන් පෞද්ගලික අංශයට පැවරීම සඳහා යෝජනා කර ඇති බව කොළඹ විශ්වවිද්යාල ශාස්ත්රපීඨ ආචාර්යවරුන්ගේ සමිති සම්මේලනය පවසනවා.
ඔවුන් පෙන්වා දෙන්නේ, අදාළ ප්රතිපත්ති රාමුවට මේ වන විට කැබිනට් අනුමැතිය හිමිව ඇති අතර එය පාර්ලිමේන්තුවේ අධ්යාපනය පිළිබඳ ආංශික අධීක්ෂණ කාරක සභාව වෙත යොමුකර ඇති බවයි.
එම ප්රතිපත්ති රාමුව මේ මාසය තුළ පාර්ලිමේන්තුවේ සම්මතවීමට ඉඩ පවතින අතර එය රජයේ ප්රතිපත්තිමය යෝජනාවක් බැවින් ශ්රේෂ්ඨාධිකරණය හමුවේ අභියෝගයට ලක්කිරීමටද නොහැකි බව මහාචාර්ය අර්ජුන පරාක්රම මහතා ප්රකාශ කළා.
ඔහු පවසන්නේ, සිංහල සහ ඉංග්රීසී භාෂාවලින් සඳහන්ව ඇති එම ප්රකාශනයේ වෙනසක් පවතින බවත් එය සම්මත වීම මඟින් මෙරට පාසල් සහ විශ්වවිද්යාල අධ්යාපනයෙන් රාජ්ය වගකීම නිදහස් වීම අපේක්ෂා කරන බවයි.
නිදහස් විශ්වවිද්යාල අධ්යාපන ක්රමය අහෝසි කර ගාස්තු ගෙවා විශ්වවිද්යාල අධ්යාපනය ලැබීමේ අවස්ථාව ලබාදීමටද එමඟින් සැලසුම් කරන බව කොළඹ විශ්වවිද්යාල ශාස්ත්රපීඨ ආචාර්යවරුන්ගේ සමිති සම්මේලනයේ ලේකම් ආචාර්ය අතුල සමරකෝන් මහතා පවසනවා.