දේශීය
IMF ණය ගැන අලුත්ම ආරංචිය

ණය ප්රතිව්යුහගත කිරීමට චීනයේ සහය නිල වශයෙන් නොලැබුණද, ශ්රී ලංකාවට ලබාදීමට නියමිත ඩොලර් බිලියන 2.9ක ණය පහසුකම සඳහා ජාත්යන්තර මූල්ය අරමුදලේ අනුමැතිය ලැබෙනු ඇති බව බ්ලූම්බර්ග් වෙබ් අඩවිය වාර්තා කර තිබෙනවා.
කිසියම් රටක් ණය ප්රතිව්යුහගතකරණයට සහය නොදක්වන්නේ නම්, විශේෂ අවස්ථාවලදී පමණක් යොදා ගන්නා ප්රතිපත්තියකට අනුව ජාත්යන්තර මූල්ය අරමුදලට මෙලෙස ණය පහසුකම් සඳහා අනුමැතිය ලබා දිය හැකි බව එම වෙබ් අඩවියේ සඳහන්.
ආරංචි මාර්ගවලට අනුව ශ්රී ලංකාවට ණය පහසුකම ලැබීම සඳහා අවශ්යව ඇත්තේ චීනයේ නිල අනුමැතිය පමණක් බව එම වෙබ් අඩවිය වැඩිදුරටත් සඳහන් කළා.
ජාත්යන්තර මූල්ය අරමුදලේ ප්රකාශයෙකු සඳහන් කර ඇත්තේ, ශ්රී ලංකා බලධාරීන් ණය පහසුකම සඳහා අනුමැතිය ලබාගැනීමට අවශ්ය පියවර මේ වනවිට ක්රියාත්මක කරමින් ඇති බවයි.