ක්‍රීඩා
අන්ත පරාජය හමුවේ – ක්‍රිකට් ආයතනය විශේෂ තීරණයක
ලෝක කුසලාන තරගාවලියේ ඉන්දියාව හමුවේ ලද පරාජය පිළිබඳව ශ්‍රී ලංකා ක්‍රිකට් ආයතනය පුහුණුකරුවන්ගෙන් සහ තේරීම් කමිටුවෙන් කරුණු විමසීමට තීරණය කර තිබෙනවා.
ශ්‍රී ලංකා ක්‍රිකට් ආයතනයේ ජ්‍යේෂ්ඨ නිලධාරීයෙකු පවසන්නේ, කණ්ඩායම තේරීම සිදුකළේ කුමන පදනමකින්ද යන්න මෙහිදී විමසන බවයි.
ධනංජයද සිල්වා අද තරගයෙන් ඉවත් කර ඒ වෙනුවට දුෂාන් හේමන්ත කැඳවීමද ගැටලු සහගත බව ඔහු පවසනවා.
මෙම කරුණු පිළිබඳව සහ ශ්‍රී ලංකා කණ්ඩායම මෙම තරගයේ දැක්වූ දුර්වල ක්‍රීඩා විලාශය පිළිබඳවද කරුණු විමසීමට ශ්‍රී ලංකා ක්‍රිකට් ආයතනය තීරණය කර තිබෙන බවයි සඳහන්වන්නේ.