මෙරට ඉන්දියානු තානාපතිට මොකද වෙන්නේ
ඔස්ට්‍රේලියාවේ වත්මන් ඉන්දීය තානාපති මන්ප්‍රීත් වෝහ්රා මේ දෙසැම්බරයේ විශ්‍රාම යාමට නියමිත බැවින් ශ්‍රී ලංකාවේ වත්මන් ඉන්දීය තානාපති ගෝපාල් බාග්ලේ ඔහුගේ තනතුරට පත්වීමට ඉඩ ඇති බව ඉන්දීය මාධ්‍ය වාර්තා කරනවා.
දැනට යුරෝපා සංගමයේ ඉන්දීය තානාපතිවරයා ලෙස කටයුතු කරන සන්තෝශ් ජා, බාග්ලේ වෙනුවට ආදේශ කරනු ඇතැයි එහිදී අදහස් පළ වෙනවා.
හින්දුස්තාන් ටයිම්ස් පුවත්පත වාර්තා කරන්නේ ඉන්දියානු රජය මෙම වෙනස්කම් නිල වශයෙන් තහවුරු කර නැතත්, 1989 කණ්ඩායමට අයත් දැනට නැගෙනහිර ප්‍රධාන මූලස්ථාන ලේකම් ලෙස වශයෙන් කටයුතු කරන සෞරබ් කුමාර්, සන්තෝශ් ජා දැරූ බ්‍රසල්සිහි ඉන්දියානු තානාපති තනතුරට පත්වනු බවට පත්විය හැකි බවයි.
ඉන්දියාවට කැන්බරා නුවර සමඟ ඉන්දියාවේ ප්‍රධාන දේශපාලන පක්ෂ දෙකම සහාය දක්වන ශක්තිමත් සබඳතාවක් ඇති බැවින් බාග්ලේ ඕස්ට්‍රේලියාවට පිවිසීම අතිශය වැදගත් තීරණයක් වනු ඇති බවයි එහි තවදුරටත් සඳහන් වෙන්නේ.
මේ අතර ඉන්දියාව සහ යුරෝපා සංගමය අතර නිදහස් වෙළඳ ගිවිසුමක් ඇති කර ගැනීමට දැරූ ප්‍රයත්නයන්හිදී වැදගත් කාර්යභාරයක් ඉටු කළ සන්තෝෂ් ජා නැවතත් ලංකාවට පැමිණෙනු ඇති බවද ඉන්දීය මාධ්‍ය වාර්තා කරනවා.
මේ වන විට ඉන්දියාව සහ චීනය යන රටවල් දෙක සමඟ සබඳතා තම අවශ්‍යතා අනුව තුලනය කිරීමේ උත්සහයක නියැලී සිටින ශ්‍රීලංකාව, චීනයේ අනෙකුත් මිත්‍ර රට වන පාකිස්තානය සේම ආර්ථික දුෂ්කරතාවන්ට මුහුණ දෙනවා.
එමෙන්ම චීනයේ නිරීක්ෂණ සහ මිසයිල ලුහුබැඳීමේ නැව්වලට කොළඹ සහ හම්බන්තොට ගැඹුරු මුහුදේ වරායන් භාවිත කිරීමට ශ්‍රී ලංකාව මේ වන විට අවසර ලබා දී තිබෙනවා.
සෞරබ් කුමාර් ලේකම්වරයාගේ තනතුර සඳහා සුදුස්සෙකු වශයෙන් ඔස්ට්‍රියාවේ වත්මන් ඉන්දීය තානාපති ජයිදීප් මසූම්දර් තේරී පත්වී සිටියද ඒ සම්බන්ධයෙන් තවමත් පැහැදිලි තීරණයක් නොමැති බව වාර්තා වෙනවා.