දේශීය
ප්‍රසිද්ධ පාසලක විදුහල්පතිවරයෙකු සියදිවි හානි කර ගනී
කුරුණෑගල – මාස්පොත ප්‍රදේශයේ ජාතික පාසලක විදුහල්පතිවරයෙකු සිය නිවසේදී ගෙල වැලලාගෙන මියගොස් තිබෙනවා.
මෙලෙස මියගොස් ඇත්තේ අවුරුදු 55 හැවිරිදි කුරුණෑගල – මරලු‍වාව ප්‍රදේශයේ පදිංචිකරුවෙක්.
ඊයේ (24) රාත්‍රීයේ අදාළ නිවසේ උඩු මහලේ නිදන කාමරයක් තුළ සිය දිවි හානි කර ගෙන සිටියදී ඔහුගේ සිරුර සොයාගෙන තිබෙනවා.
මෙම විදුහල්පතිවරයා කුරුණෑගල – ලක්දාස් විද්‍යාලයේ විදුහල්පතිවරයා ලෙස වැඩ භාර ගැනීමට නියමිතව තිබූ බවයි සඳහන් වන්නේ.
සියදිවි හානි කර ගැනීමට නිශ්චිත හේතුව මෙතෙක් අනාවරණය වී නැහැ.