දේශීය
නොච්චියාගමේ අභිරහස් මරණයක්
නොච්චියාගම – පන්වැව ප්‍රදේශයේ පුද්ගලයෙකු කුඹුරක ඇති වළක් තුළ සැකකටයුතු ලෙස මිය ගොස් තිබෙනවා.
පොලීසිය පවසන්නේ, ඒ සම්බන්ධයෙන් ඊයේ (02) පෙරවරුවේ නොච්චියාගම පොලීසියට ලද තොරතුරක් මත පරික්ෂණ ආරම්භ කර බවයි.
මිය ගොස් ඇත්තේ, මාරගහවැව – නොච්චියාගම ප්‍රදේශයේ පදිංචි 35 හැවිරිදි පුද්ගලයෙක්.
මිය ගිය පුද්ගලයා ඉකුත් පෙරේදා පස්වරුවේදී කුඹුරේ ඇති පැලට යන බව පවසා නිවසින් පිටව ගොස් තිබුණු අතර ඔහු යළි නිවස වෙත නොපැමිණීම හේතුවෙන් මරණකරුගේ බිරිඳ විසින් නොච්චියාගම පොලිස් ස්ථානයට පැමිණිල්ලක් කර තිබෙනවා.
මරණයට හේතුව මෙතෙක් අනාවරණයවී නොමැති අතර, සිද්ධිය සම්බන්ධයෙන් නොච්චියාගම පොලීසිය වැඩිදුර විමර්ශන සිදු කිරීමට නියමිතයි.