දේශීය
ත්‍රිවිධ හමුදා ආහාර සලාක දීමනාවේ වෙනසක්
හමුදා සාමාජිකයින්ට ආහාර වේල් ලබාදීම වෙනුවට එම සලාක මුදල ලබන ජනවාරියේ සිට ඔවුන්ගේ මාසික වැටුපට එක් කිරීමට තීරණය කර ඇති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා පවසනවා.
එමෙන්ම ඔවුනට අවශ්‍ය ආහාර හමුදාවෙන්ම සහනදායී මිලකට ගැනීමට වැඩපිළිවෙළක්ද හඳුන්වා දෙන බවයි ඔහු සඳහන් කළේ.
රාජ්‍ය අමාත්‍යවරයා මේ බව කියා සිටියේ, එම අමාත්‍යාංශයේදී ඊයේ (29) පැවැති ප්‍රවෘත්ති සාකච්ඡාවකදීයි.
මෙලෙස කටයුතු කිරීමෙන් හමුදා සාමාජිකයින්ගේ මූල්‍ය ශක්තිය වඩාත් ස්ථාවර වීම පමණක් නොව මූල්‍ය විනිවිදභාවය සහ වගවීම වඩාත් තීව්‍ර වනු ඇති බව ප්‍රමිත බණ්ඩාර තෙන්නකෝන් මහතා පවසනවා.