ඌව පළාත් ආණ්ඩුකාරවරයා ඉල්ලා අස්වෙයි

ඌව පළාත් ආණ්ඩුකාර අනුර විදානගමගේ සිය ධුරයෙන් ඉල්ලා අස්වී තිබෙනවා.

හිටපු ජනාධිපති රනිල් වික්‍රමසිංහ මහතා වෙත ලිපියක් යොමු කරමින් ඔහු සිය ඉල්ලා අස්වීම ලබා දී තිබෙනවා.

මේ අතර උතුරු මැද පළාත් ආණ්ඩුකාර මහීපාල හේරත් සහ සබරගමු පලාත් ආණ්ඩුකාර නවීන් දිසානායක තමන් දැරූ ආණ්ඩුකාර තනතුරින් ඉල්ලා අස් වුණා.

මීට පෙර දකුණු පළාත් ආණ්ඩුකාර ලක්ෂ්මන් යාපා අබේවර්ධන මහතාද ඉල්ලා අස් වුණා.

ශ්‍රී ලංකාවේ නවවන විධායක ජනාධිපති ලෙස ජාතික ජනබලවේගයේ අනුර කුමාර දිසානායක මහතා තේරී පත් වීමත් සමඟ ඔවුන් මෙලෙස ඉල්ලා අස් වීමට තීරණය කර තිබෙනවා.