දේශීය
රට තුළ ඖෂධ වර්ග 40ක හිඟයක්
ඖෂධ වර්ග 40ක පමණ හිඟයක් රටතුළ පවතින බව සෞඛ්‍ය අමාත්‍යාංශයේ වෛද්‍ය සැපයුම් ඒකකයේ නියෝජ්‍ය අධ්‍යක්ෂ ජෙනරාල් වෛද්‍ය ජී. වීරසූරිය මහතා පවසනවා.
එමෙන්ම ඔහු පවසන්නේ හිඟව පැවති නිර්වින්දන ඖෂධ තොගයක් ආනයනය කළ බවයි.
නියොස්ටිග්මීන් නැමති අදාළ ඖෂධය මේ වනවිට රෝහල් පද්ධතියට බෙදා හරිමින් සිටින බව ඔහු පවසනවා.
තවත් මාස කිහිපයක අවශ්‍යතාවට සරිලන ඖෂධ තොගයක් ඉදිරි සතියේ දිවයිනට ලැබෙන බව වෛද්‍යවරයා වැඩිදුරටත් කියා සිටියා.