ක්‍රීඩා
ශ්‍රී ලංකා කාන්තා පිල අද බංග්ලාදේශයට එරෙහිව තරඟ බිමට
2024 ආසියානු කුසලාන කාන්තා ක්‍රිකට් තරඟාවලියේ සත්කාරක ශ්‍රී ලංකාව සහභාගී වන පළමු තරඟය අද (20) පැවැත්වෙනවා.
ඒ, රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදීයි.
B කාණ්ඩයෙන් ක්‍රීඩා කරන ශ්‍රී ලංකා කණ්ඩායමේ පළමු ප්‍රතිවාදියා, බංග්ලාදේශ කණ්ඩායමයි.
මෙම තරඟය අද රාත්‍රී 7.00ට ආරම්භ වීමට නියමිතයි.
තරඟාවලියේ පකිස්ථාන කාන්තා කණ්ඩායමට එරෙහි තරඟය කඩුලු 7කින් ඉන්දීය කාන්තා කණ්ඩායම ජය ගත්තා.
තරඟයේ පළමුවෙන් පන්දුවට පහරදුන් පකිස්ථාන කාන්තා කණ්ඩායම සියලු දෙනා දැවී රැස් කළේ ලකුණු 108ක් පමණයි.
පිළිතුරු ඉනිම ක්‍රීඩා කළ ඉන්දීය කාන්තා කණ්ඩායම කඩුලු 3ක් දැවී සිටයදී නියමිත ඉලක්කය පසු කළා.