ජනපති ලේකම් ධූරයට සනත් කුමානායක

ජනාධිපති ලේකම්වරයා ලෙස ආචාර්ය නන්දික සනත් කුමානායක පත් කර ඇති බව රජයේ ප්‍රවෘත්ති දෙපාර්තමේන්තුව පවසනවා.

මෙම පත් කිරීම ජනාධිපති අනුර කුමාර දිසානායක විසින් ජනාධිපති ලේකම් කාර්යාලයේදී සිදු කර තිබෙනවා.

සංවර්ධන ආර්ථිකය පිළිබඳ ආචාර්ය උපාධියක් හිමිකර තිබෙන නන්දික සනත් කුමානායක ව්‍යුහාත්මක පරිවර්ථනය සහ දිළිඳුකම පිටුදැකීම පිළිබඳ විශේෂඥයෙක්.

ඔහු ශ්‍රී ලංකා රේගුවේ නියෝජ්‍ය අධ්‍යක්ෂකවරයෙකු මෙන්ම නවීකරණ ක්‍රියාවලිය පිළිබඳ උපදේශකවරයෙකු ලෙසද සේවය කර තිබෙනවා.