සජබ මන්ත්රීවරු මැතිවරණ කොමිසමට

පොලිස් නිලධාරීන් හා පොලිසියේ සම්පත් මැතිවරණ ප්රචාරක ව්යාපෘති වෙනුවෙන් යෙදවීම සම්බන්ධයෙන් සමගි ජන බලවේගය මැතිවරණ කොමිෂන් සභාව වෙත පැමිණිලි කර තිබෙනවා.
ජනාධිපතිවරයා ප්රධානත්වය දරමින් පවත්වන වැඩමුලුවක් සඳහා යැයි පවසමින් ප්රජා පොලිස් උපදේශක කමිටු සාමාජිකයින් දිස්ත්රික් මට්ටමින් මැතිවරණ ප්රචාරණ උපක්රම ලෙස පවත්වන වැඩසටහන් සඳහා සංවිධානය කරමින් සිටින බවට සමගි ජන බලවේගයේ මහ ලේකම් පාර්ලිමේන්තු මන්ත්රී රංජිත් මද්දුමබණ්ඩාර මහතා විසින් මෙම පැමිණිල්ල ඉදිරිපත් කරනු ලැබුවා.
දිස්ත්රික් මට්ටමින් සංවිධානය කරන මෙම වැඩසටහන් මාලාවේ ඉදිරි වැඩසටහන් නුවරඑළිය, රත්නපුර, කෑගල්ල සහ ගාල්ල යන දිස්ත්රික්කවල ඉදිරි දින වලදී පැවැත්වීමට නියමිත බවත් එම පැමිණිල්ලේ සඳහන්.
සමගි ජන බලවේගී මහ ලේකම් රංජිත් මද්දුමබණ්ඩාර මහතා විසින් මැතිවරණ කොමිෂන් සභාවේ සභාපති R.M.A.L රත්නායක මහතාට මේ බව ලිඛිතව පැමිණිලි කර තිබෙනවා.