දේශීය
ශිෂ්‍යත්ව විභාගය යළි තියන්න – දෙමාපියන් උද්ඝෝෂණයක
ශිෂ්‍යත්ව විභාගයට මුහුණ දුන් දරුවන් පිරිසකගේ දෙමව්පියන් අද (30) උදෑසන අධ්‍යාපන අමාත්‍යාංශයේ පිවිසුම් දොරටු අවහිර කරමින් උද්ඝෝෂණය නිරත වුණා.
මෙවර ශිෂ්‍යත්ව විභාගයේ පළමු ප්‍රශ්න පත්‍රයේ ප්‍රශ්න තුනක් විභාගයට පෙර පිටවීමේ ආන්දෝලනාත්මක සිද්ධිය සම්බන්ධයෙන් ඔවුන් මෙම උද්ඝෝෂණයේ නිරතව සිටියා.
කෙසේවෙතත් අධ්‍යාපන අමාත්‍යාංශය ඊයේ නිවේදනය කළේ ශිෂ්‍යත්ව විභාගය යළි නොපවත්වා ගැටලුකාරී ප්‍රශ්න තුනටම සියලු දරුවන්ට ලකුණු ලබාදීමටයි.
අධ්‍යාපන අමාත්‍යාංශයේ එම තීරණය සම්බන්ධයෙන් දෙමව්පියන් ලෙස සෑහීමකට පත් නොවන බව උද්ඝෝෂණයේ නිරත දෙමව්පියන් පවසනවා.
ඒ අනුව ඔවුන් ඉල්ලා සිටින්නේ නැවත 2024 වසරට අදාළ ශිෂ්‍යත්ව විභාගය පවත්වන ලෙසයි.
මෙම උද්ඝෝෂණයත් සමඟ පොලිස් කැරලි මර්ධන ඒකකය ද අධ්‍යාපන අමාත්‍යංශ අසලට කැඳවා ඇති බව වැඩිදුරටත් වාර්තා වුණා.