දේශීය
රනිල්ගේ සිලින්ඩර වේදිකාවේ රාජිකාට දිව පැටලිලා
ජනතාවගේ දුක නිව්ව ජනතාවට සතුට රැගෙන ආ නායකයා මහින්ද රාජපක්ෂ බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රාජිකා වික්රමසිංහ මහත්මිය පවසනවා.
ඇය ඒ බව කියා සිටියේ, මාවනැල්ල ප්‍රදේශයේ පැවති ජනාධිපති රනිල් වික්රමසිංහ මහතාගේම ජනාධිපතිවරණ ජන රැලි වේදිකාවකදීයි.
කෙසේවෙතත් ඇය එලෙස කියා සිටි අතර ඒ සමගම එම ප්‍රකාශය රනිල් වික්රමසිංහ ලෙස නිවැරදි කළා.
ශ්‍රී ලංකා පොදුජන පෙරමුණෙන් පාර්ලිමේන්තුවට තේරී පත්වී සිටින ඇය මෙවර ජනාධිපතිවරණයේදී රනිල් වික්රමසිංහ මහතාගේ ජයග්‍රහණය වෙනුවෙන් එක් වී සිටිනවා.
එහිදී රාජිකා වික්රමසිංහ පළ කළ අදහස් :
” ජනතාවට සතුට ගෙනාව “මහින්ද රාජපක්ෂ” කියන,, රනිල් වික්රමසිංහ කියන නායකයාගේ නායකත්වය ශක්තිමත් කරන්න ඔබ සියලු දෙනාම කටයුතු කරනවද කියන එක අපි සිතිය යුතු වනවා. සුබ අනාගතයක් ප්‍රාර්ථනා කරනවා”