දේශීය
සල්ලි නැති නිසා රනිල් ප්‍රචාරක රැස්වීම් රැසක් නවත්තලා
ජනාධිපති රනිල් වික්‍රමසිංහ මහතා ජනාධිපතිවරණය වෙනුවෙන් සූදානම් කර තිබූ ප්‍රචාරක රැස්වීම් තිහක් අඩු කිරීමට කටයුතු කර තිබෙනවා.
ඒ මැතිවරණ වියදම් නියාමන පනතට අනුව වියදම් සීමා කිරීමට සිදුවීම මතයි.
රට පුරා ජනාධිපතිවරණ ප්‍රචාරක රැස්වීම් 90කට ජනාධිපතිවරයා සහභාගි වීමට සංවිධානය කර තිබූ නමුත් මේ වන විට ජනාධිපතිවරයාගේ දැනුම් දීම මත එම ප්‍රමාණය හැට දක්වා අඩු කර තිබෙනවා.
කෙසේවෙතත් ගම් මට්ටමෙන් කුඩා කණ්ඩායම් රැස්වීම් පවත්වන ලෙස ජනාධිපතිවරයා උපදෙස් දී තිබෙනවා.
ජනාධිපතිවරයා පෙන්වා දී ඇත්තේ, විශාල මහජන රැළි පැවැත්වීමේදී බස් කුලියට ඇතුළු කටයුතු සදහා විශාල වියදමක් දැරීමට සිදුවන බවයි.
මැතිවරණ වියදම් නියාමන පනතට අනුව මෙවර ජනාධිපතිවරණයේදී එක් අපේක්ෂකයෙකු විසින් ඡන්දදායකයෙකු සඳහා වැය කළ හැක්කේ රුපියල් 109ක මුදලක් පමණයි.