දේශීය
ජනපති ජාත්‍යන්තර පොත් ප්‍රදර්ශනයට
සාහිත්‍ය මාසය නිමිත්තෙන් 25 වන වරට පැවැත්වෙන කොළඹ ජාත්‍යන්තර පොත් ප්‍රදර්ශනය සඳහා ජනාධිපති අනුර කුමාර දිසානායක මහතා අද (28) පෙරවරුවේ එක් වී තිබෙනවා.
ජනාධිපති මාධ්‍ය අංශය සඳහන් කළේ, පොත් ප්‍රදර්ශන කුටි 400කින් පමණ සමන්විත ප්‍රදර්ශනයේ කුටි කිහිපයක් නිරීක්ෂණ කළ ජනාධිපතිවරයා ප්‍රදර්ශනයට පැමිණ සිටි ජනතාව සමඟ ද කෙටි පිළිසදරක නිරත වූ බවයි.
පේරාදෙණිය විශ්වවිද්‍යාලයේ ජ්‍යෙෂ්ඨ මහාචාර්ය ලියනගේ අමරකිත්ති, අධ්‍යාපන අමාත්‍යාංශයේ අතිරේක ලේකම් උදාර දික්කුඹුර, අධ්‍යක්ෂ සමන්ති ජයසූරිය සහ මොරටුව විශ්වවිද්‍යාලයේ සමෝදානික නිර්මාණ අංශයේ අංශාධිපති රුවන්දිකා සේනානායක මෙම අවස්ථාවට එක්වී තිබෙනවා.
කොළඹ ජාත්‍යන්තර පොත් ප්‍රදර්ශනය ඊයේ (27) දිනයේ ආරම්භ වූ අතර ඔක්තෝබර් 06 දක්වා පැවැත්වීමට නියමිතයි.