ස්වාධින කණ්ඩායම් හතරක් ඇප තියයි
මහ මැතිවරණයට ත්‍රිකුණාමල දිස්ත්‍රික්කයෙන් තරඟ කිරීම සඳහා ස්වාධීන කණ්ඩායම් තුනක් ඇප මුදල් තැන්පත් කළ බව දිස්ත්‍රික් තේරීම් භාර නිලධාරි හා දිසාපති චාමින්ද හෙට්ටිආරච්චි මහතා පවසනවා.
මේ අනුව ස්වාධීන කණ්ඩායම් මෙලෙස සහකාර මැතිවරණ කොමසාරිස් ආර්. සසිලන් මහතාගේ අධීක්ෂණය යටතේ මහ මැතිවරණයට තරඟ කිරීම සඳහා ඇප මුදල් මෙලෙස තැන්පත් කරනු ලැබුවා.
එක් කණ්ඩායමක් හත් දෙනෙකු ගෙන් සමන්විත විය යුතු අතර මේ අනුව එක් කණ්ඩායමක් රුපියල් 14000 බැගින් ඇප මුදල් තැන්පත් කළයුතු බව දිස්ත්‍රික් තේරීම් භාර නිලධාරී වැඩිදුරටත් පැවසුවා.
මේ අතර පාර්ලිමේන්තු මැතිවරණයට ඉදිරිපත්විම සඳහා ගාල්ල දිස්ත්‍රික්කය වෙනුවෙන් ස්වාධින කණ්ඩායමක් ඇප මුදල් තැන්පත් කළ බව ගාල්ල දිස්ත්‍රික් නියෝජ්‍ය මැතිවරණ කොමසාරිස් ඩබ්ලිව්.එච්.ආර්.විජය කුමාර මහතා පවසනවා.
ගාල්ල දිස්ත්‍රික්කයේ මැතිවරණ කොට්ඨාස දහයක් තිබුණද මහජන ඡන්දයෙන් තෝරා පත් කර ගන්නා මන්ත්‍රි සංඛ්‍යාව නව දෙනෙක්.
ඒ සඳහා අපේක්ෂකයින් 12කගෙන් යුත් නාම යෝජනා පත්‍රයක් ඉදිරිපත් කළ යුතු වනවා.