හිටපු අමාත්‍ය කුමාර වෙල්ගම අභාවප්‍රාප්ත වෙයි
හිටපු අමාත්‍ය කුමාර වෙල්ගම අභාවප්‍රාප්ත වී තිබෙනවා.
මිය යන විට ඔහු 74 වැනි වියෙහි පසු වුණා.
කොළඹ පෞද්ගලික රෝහලක ප්‍රතිකාර ලබමින් සිටියදී හිටපු අමාත්‍යවරයා මෙසේ අභාවප්‍රාප්ත වී තිබෙනවා.
1950 අප්‍රේල් 05 වැනිදා උපන් කුමාර වෙල්ගම මහතා සමගි ජන බලවේගයේ කළුතර දිස්ත්‍රික්කයේ පාර්ලිමේන්තු මන්ත්‍රීවරයෙකු ලෙස කටයුතු කළා.
එමෙන්ම 1984 සිට 2000 දක්වා කාලය තුළ අගලවත්ත ආසනයේ ශ්‍රී ලංකා නිදහස් පක්ෂයේ ප්‍රධාන සංවිධායකවරයා වූයේ ඔහුයි.
පසුව 2007 සිට 2010 දක්වා ඔහු කාර්මික සංවර්ධන අමාත්‍යවරයා වූ අතර, 2010 සිට 2015 මුල් භාගය දක්වා ශ්‍රී ලංකා නිදහස් පක්ෂය ප්‍රමුඛ රජයන්හි ප්‍රවාහන අමාත්‍යවරයා වී තිබෙනවා.
එමෙන්ම ඔහු 2019 වසර දක්වා ශ්‍රී ලංකා නිදහස් පක්ෂයේ සාමාජිකයෙක්.
අනතුරුව ඔහු පාර්ලිමේන්තු මැතිවරණයට තරඟ කිරීම සඳහා සජිත් ප්‍රේමදාසගේ නායකත්වයෙන් යුත් සමගි ජන බලවේග සන්ධානයට එක් වූණා