ඩග්ලස් තනිව මහමැතිවරණයට

හිටපු අමාත්‍ය ඩග්ලස් දේවානන්ද මහතාගේ නායකත්වයෙන් යුත් ඊළාම් ජනතා ප්‍රජාතන්ත්‍රවාදී පක්ෂය හෙවත් ඊ.පී.ඩී.පී පක්ෂය වීණාව ලකුණ යටතේ මහමැතිවරණයට තනිව තරඟ කරන බව එම පක්ෂය පවසනවා.

එම පක්ෂයේ ත්‍රිකුණාමල දිස්ත්‍රික් සංවිධායක T. පුෂ්පරාසා මහතා පවසන්නේ, ඒ අනුව උතුරු නැගෙනහිර පළාතේ සියලු දිස්ත්‍රික්ක වලට සහ කොළඹ දිස්ත්‍රික්කයට මෙවර නාමයෝජනා ලබා දීමට සැලසුම් කර ඇති බවයි.

මහ මැතිවරණය සඳහා අවශ්‍ය නාමයෝජනා සකස් කිරීම මේ දිනවල සිදු කරමින් යන බවත් තම පක්ෂය සන්ධාන ගත වීමක් සිදු නොවන බවත් ඔහු වැඩිදුරටත් කියා සිටියා.