කොටුව දුම්රියපොළ ඉදිරිපිට නාඳුනන මළ සිරුරක්

කොටුව දුම්රිය ස්ථානය ඉදිරිපිට මාර්ගය අසල රැඳී සිටි පුද්ගලයෙකු මියගොස් තිබෙනවා.

ඒ සම්බන්ධයෙන් ඊයේ (15) රාත්‍රීයේ​දී කොටුව පොලීසියට ලද තොරතුරක් මත විමර්ශන ආරම්භ කර තිබුණා.

මරණකරුගේ අනන්‍යතාවය මෙතෙක් තහවුරු වී නැහැ.

මෙලෙ​ස මියගොස් ඇත්තේ, වයස අවුරුදු 60ත් 65ක් පමණ වන උස අඩි 05යි අඟල් 04ක් වන තළෙළු, කෙට්ටු සිරුරකින් යුත් පිරිමි පුද්ගලයෙක් බව​යි පොලීසිය පවසන්​නේ.

ඔහු අවසන් වරට අත්කොට කමිසයක් සහ රතු පැහැති සරමක් හැඳ සිටින බව පොලීසිය සඳහන් කළා.

සිද්ධිය සම්බන්ධයෙන් කොටුව පොලීසිය වැඩිදුර විමර්ශන සිදුකරනු ලබනවා.