යෝජිත ඔන්ලයින් පනත ගැන SMS ජනමත විචාරයක් ඇරඹේ
මාර්ගගත ක්‍රමවල සුරක්ෂිතභාවය ගැන පනත් කෙටුම්පත පිළිබඳ මහජන මතය විමසීම සඳහා IT4P තොරතුරු තාක්ෂණ වෘත්තිකයන්ගේ එකමුතුව SMS ජනමත විචාරයක් ආරම්භ කර තිබෙනවා.
ඒ අනුව නිවේදනයක් නිකුත් කරමින් ඔවුන් පවසන්නේ, පනත් කෙටුම්පත පාර්ලිමේන්තුවේ සම්මත කළ යුතු නම් “OSB YES” ලෙසද, සම්මත නොකළ යුතු නම් “OSB NO” ලෙසද 0767001001 යන අංකයට SMS පණිවිඩයක් යොමුකිරීමට මහජනතාවට හැකියාව තිබෙන බවයි.
විපක්ෂ මැතිවරණ ව්‍යාපාර අඩාල කිරීමට, දූෂණ සිද්ධි වාර්තා කරන මාධ්‍යවේදීන් මර්දනය කිරීමට මෙන්ම, තොරතුරු තාක්ෂණ ක්ෂේත්‍රයට දැඩි බලපෑමක් එල්ල කිරීමට මෙම පනත් කෙටුම්පත අවභාවිතා කළ හැකි බව අදාළ නිවේදනයෙන් ඔවුන් පෙන්වා දෙනවා.
එමෙන්ම මෙරට දේශීය තොරතුරු තාක්ෂණ සමාගම් පවත්වාගෙන යාමට අත්‍යවශ්‍ය Google Apps, Office 365, AWS වැනි ඔන්ලයින් සේවාවන් අදාළ පනත් කෙටුම්පත මඟින් නිර්වචනය කර තිබෙන ආකාරය හේතුවෙන්, එම සේවාවන් ශ්‍රී ලංකාවට සීමා කිරීමේ අවදානමක් පවතින බවද ඔවුන් වැඩිදුරටත් පෙන්වා දෙනවා.
ඒ අනුව අදාළ නිවේදනය පහතින්,
