මාලිමාව ගැන එස්.බී ගෙන් අනාවැකියක්

මාලිමාව මහ මැතිවරණයේදී ඡන්ද ලක්ෂ 65ක් ලබාගන්නා බව හිටපු පාර්ලිමේන්තු මන්ත්‍රී එස්.බී දිසානායක මහතා පවසනවා.

ඔහු මෙම අදහස් පල කළේ, කොළඹ පැවති ප්‍රවෘත්ති සාකච්ඡාවට එක්වෙමින්.

ජනාධිපතිවරණය ජයගත් පක්ෂයට ඊළඟ මහ මැතිවරණයේදී වාසි වැඩි බවත්, එම වාසිය මහ මැතිවරණයේදී ජාතික ජන බලවේගයට ලැබෙනු ඇති බවත් ඔහු සඳහන් කළා.

ඔහු පවසන්නේ, ප්‍රධාන පක්ෂ එකට එක් වී මහ මැතිවරණයේදී තරඟ කළහොත් ශක්තිමත් විපක්ෂයක් හෝ හදාගන්නට පුළුවන්කම තිබෙන බවයි.

අනුර කුමාර මහතාට මිනිසුන්ගේ බලාපොරොත්තු ඉටුවන දිශාවකට ගමන් කිරීමට හැකිවන බව තමාට පෙනෙන බව එස්.බී දිසානායක මහතා වැඩිදුරටත් පැවසුවා.