සරසවි සිසුන් රැගත් බස් අනතුරක් පෙරළී තිදෙනෙක් මරුට
විශ්වවිද්‍යාල සිසුන් පිරිසක් ගමන් ගත් බස් රථයක් අද (01) උදෑසන 7.45ට පමණ පෙරළීගොස් තිබෙනවා.
බදුල්ල මහියංගන ප්‍රධාන මාර්ගයේ තුන්වන හා හතරවන කිලෝමීටර් කණු අතර (දුන්හිඳ ප්‍රවේශ මාර්ගයට නුදුරින්) පිහිටි මාර්ගයේ පෙරළීගොස් අනතුර සිදුවී තිබුණා.
එම අනතුරෙන් පුද්ගලයින් 35 දෙනෙකු බරපතළ තුවාල ලබා ඇති බවයි පොලීසිය පවසන්නේ.
කොතලාවල ආරක්ෂක විශ්වවිද්‍යාලයට අයත් බස් රථයක් මෙලෙස අනතුරට ලක්වී ඇති බවට වාර්තා වුණා.
ක්ෂේත්‍ර චාරිකාවක නිරතව සිටි සිසුන් පිරිසක් ඇතුළු 41 දෙනෙකු අනතුර සිදුවන අවස්ථාවේ බස් රථයේ ගමන්කරමින් සිට තිබෙනවා.
අනතුරින් තුවාල ලැබු පුද්ගලයින් මේ වනවිට බදුල්ල මහ රෝහලට ඇතුළත් කර ඇති අතර රෝහල් ආරංචි මාර්ග සඳහන් කළේ එම අනතුරෙන් ශ්‍රීමත් ජෝන් කොතලාවල විශ්වවිද්‍යාලයේ දක්ෂිණ මණ්ඩපයේ සිසුවියන් තිදෙනෙක් ජීවිතක්ෂයට පත්වී ඇති බවයි.
ඉන් දෙදෙනෙක් ශ්‍රීමත් ජෝන් කොතලාවල විශ්වවිද්‍යාලයේ දක්ෂිණ මණ්ඩපයේ සිසුවියන්ද වනවා.
එමෙන්ම තවත් 06 දෙනෙකු බදුල්ල රෝහලේ දැඩිසත්කාර ඒකකයේ ප්‍රතිකාර ලබන බවද වැඩිදුරටත් වාර්තා වුණා.