උමා ඔය ව්යාපෘතිය විවෘත කෙරේ
උමා ඔය බහුකාර්ය සංවර්ධන ව්යාපෘතිය ඉරාන ජනාධිපති ඊබ්රහිම් රයිසි මහතාගේ සහා ජනාධිපති රනිල් වික්රමසිංහ මහතාගේ ප්රධානත්වයෙන් ජනතා අයිතියට පත් කෙරුණා.
අද (24) උදෑසන ඉරාන ජනාධිපතිවරයා මත්තල ගුවන් තොටුපොළින් දිවයිනට පැමිණි අතර, එහිදී අග්රාමාත්යවරයා විසින් ඔහුව පිළිගනු ලැබුවා.
ඉරාන අපනයන සංවර්ධන බැංකුවේ ණය ආධාරයක් මත 2011 වසරේ දී උමා ඔය බහුකාර්ය සංවර්ධන ව්යාපෘතිය ආරම්භ කෙරුණු අතර ඌව පළාත කේන්ද්ර කරගනිමින් සිදුකෙරෙන එම බහුකාර්ය ව්යාපෘතිය කිලෝමීටර් 24ක දිගින් යුක්ත වනවා.
පුහුල්පොල ජලාශයේ සිට භූගත නල මාර්ග ඔස්සේ කිලෝමීටර් 4ක දුරක් ඩයරබා ජලාශය වෙත ජලය රැගෙන යන අතර පසුව ඩයරබා ජලාශයේ සිට එම ජලය කිලෝමීටර් 15.5ක දිගකින් යුත් භූගත මාර්ගයක් හරහා පවර්හවුස් බලාගාරය වෙත රැගෙනු ලබනවා.
මෙරට ජාතික විදුලි පද්ධතියට එමගින් එක් කිරීමට නියමිත විදුලි ධාරිතාව මෙගාවොට් 120ක්.
එමෙන්ම එම ව්යාපෘතිය හරහා බණ්ඩාරවෙල, බදුල්ල සහ මොනරාගල යන ප්රදේශවලට අවශ්ය පානීය ජලය සහ බදුල්ල සහ මොණරාගල ප්රදේශවල කෘෂිකාර්මික අවශ්යතා සඳහා ජලය සැපයීම ද සිදුකෙරෙනවා.
එම ව්යාපෘතිය සඳහා වැයවූ සමස්ත මුදල ඩොලර් මිලියන 514ක් වන අතර ව්යාපෘතිය ආරම්භ කළ කාලසීමාව තුළදී ඉන් ඩොලර් මිලියන 450ක මුදලක් ඉරාන රජයෙන් මෙටට ලබාදීමට එකඟවී තිබුණා.
නමුත් ඉරාන රජය ඩොලර් මිලියන 50ක මුදලක් එහිදී ලබාදීමෙන් පසුව ඇතිවූ සම්බාධක ගැටලු හේතුවෙන් ආදාළ සම්පූර්ණ මුදල් මෙරට රජය වෙත ලබාදීමට ඉරාන රජයට නොහැකිවිය.
පසුව එම ව්යාපෘතියේ පිරිවැය දරමින් එය ශ්රී ලංකා රජය හරහා මේ දක්වා ක්රියාත්මක කළා.