දේශීය
ඡන්ද ප්‍රචාරක දැන්වීම් අලවන වාහනවලට දැනුම්දීමක්
දේශපාලන පක්ෂවලට අයත් මැතිවරණ ප්‍රචාරක දැන්වීම් සිය වාහනවල ප්‍රදර්ශනය කිරීම සම්බන්ධයෙන් පොලිස් මූලස්ථානය අනතුරු ඇඟවීමක් සිදු කරනවා.
ඒ අනූව වාහන හිමියන්ට පොලිසිය අවවාද කරන්නේ, එවැනි මැතිවරණ ප්‍රචාරක දැන්වීම් වාහනවල ප්‍රදර්ශනය නොකරන ලෙසයි.
එවැනි දැන්වීම් ප්‍රදර්ශනය කිරීම නීතිවිරෝධී බවයි පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා පවසන්නේ.
එබැවින් හදුනා ගන්නා එවැනි වාහන නවත්වා පොලිසිය විසින්ම දැන්වීම් ඉවත් කිරීමට කටයුතු කරන බවද පොලීසිය පවසනවා.
එවනි අවස්ථාවලදී ස්ටිකර් හෝ පෝස්ටර් ඉවත් කිරීමට කටයුතු කිරීමේදී වාහන මතුපිටට හානි සිදුවීමට අවදානමක් පවතිනවා.
එම නිසා එවැනි දැන්වීම් සිය වාහනවල ඇත්නම් ස්වේච්ඡාවෙන් ඉවත් කර ගැනීමට කටයුතු කරන ලෙස පොලිසිය වාහන හිමියන්ගෙන් ඉල්ලා සිටිනවා.