දේශීය
කබ්රාල් ඇතුළු පස්දෙනෙකුට එරෙහිව අල්ලස් කොමිසමෙන් අධිචෝදනා
2012 වසර වන විට ග්‍රීසිය දැඩි ආර්ථික අර්බුදයකට ලක්වී තිබියදී, ඒ බව දැන දැනම ග්‍රීක රජය විසින් නිකුත් කරන ලද භාණ්ඩාගාර බිල්පත් මිලදී ගැනීමෙන් රජයට රු. 1,843,267,595.00ක පාඩුවක් සිදුකරමින් දූෂණයක් සිදුකිරීම සම්බන්ධයෙන් සිදු කරන ලද පැමිණිල්ලකට අදාළව අල්ලස් හෝ දුෂණ චෝදනා විමර්ශන කොමිෂන් සභාව විසින් විමර්ශනයක් සිදු කරනු ලැබුවා.
එම විමර්ශන කටයුතුවලින් අනතුරුව අල්ලස් හෝ දූෂණ චෝදනා විමර්ශන කොමිෂන් සභාව චූදිතයින්ට විරුද්ධව කොළඹ මහාධිකරණයේ නඩු පැවරීමට කටයුතු කර තිබෙනවා.
මෙහි චූදිතයින් පහතින් දැක්වේ
- හිටපු මහ බැංකු අධිපති නිවාඩ් අජිත් ලෙස්ලි කබ්රාල්,
- කන්කානම් ගමගේ දොන් ධර්මසේන ධීරසිංහ
- බෙන්ඩරගේ දොන් වසන්ත ආනන්ද සිල්වා
- චින්ද්‍රසිරි ජයසිංහ පණ්ඩිත සිරිවර්ධන
- හරංකහ ආරච්චිලාගේ කරුණාරත්න