හොර මැර කරන ඡන්ද මධ්‍යස්ථානවලට සීල්
ඉදිරි ජනාධිපතිවරණයේදී හොර, මැර ක්‍රියා සිදුවන ඡන්ද මධ්‍යස්ථාන ශුන්‍ය කරන බව මැතිවරණ කොමසාරිස් ජනරාල් සමන් ශ්‍රී රත්නායක මහතා පවසනවා.
ඔහු සඳහන් කළේ, ඉකුත් මැතිවරණවලදීද එවැනි ශූන්‍ය කිරීම් කළ බවයි.
මේ අතර මැතිවරණ දූෂණ වැළැක්වීම සඳහා පුද්ගලයන්ගේ ජාතික හැඳුනුම්පත් වසර පහෙන් පහට වෙනස් කිරීම වැදගත් බව කොමිසම සඳහන් කරනවා.
මේ අතර ඉදිරි ජනාධිපතිවරණයේ ආරක්ෂාව සඳහා විශේෂිත ආරක්ෂක වැඩපිළිවෙළක් ක්‍රියාත්මක කිරීමට සියලු කටයුතු යොදා ඇතැයි මැතිවරණ කොමිෂන් සභාවේ සභාපති R.M.A.L රත්නායක මහතා පැවසුවා.
සමන් ශ්‍රී රත්නායක මහතා පවසන්නේ, පසුගිය කාලයේදී මැතිවරණ ප්‍රචණ්ඩ ක්‍රියා සුලභව පැවතුණු ප්‍රදේශවලට ඉදිරි ජනාධිපතිවරණයේදී වැඩි ආරක්ෂක විධිවිධාන සැලසීමට පියවර ගන්නා බවයි.
පසුගිය මැතිවරණ වලදී මැතිවරණ ප්‍රචණ්ඩ ක්‍රියා වැඩි වශයෙන් සිදුවුණු ප්‍රදේශ විස්සක් පමණ හඳුනාගෙන ඇති බවද කොමිසම සඳහන් කළා.
මේ අතර ජනාධිපතිවරණයට අවශ්‍ය උපරිම ආරක්ෂාව ලබාදෙන බව මහජන ආරක්ෂක අමාත්‍යාංශයේ ලේකම් වියානි ගුණතිලක මහතා මැතිවරණ කොමිෂන් සභාවට පසුගියදා දැනුම් දුන්නා.