දේශීය
නිලන්ත ජයවර්ධන ගැන හොයන්න විනය මණ්ඩලයක්
අනිවාර්ය නිවාඩු යවා සිටින ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධන මහතා සම්බන්ධයෙන් පරීක්ෂණ පැවැත්වීම සඳහා විනය පරීක්ෂණ මණ්ඩලයක් නම්කර තිබෙනවා.
මෙම මණ්ඩලය නම් කර ඇත්තේ, ජාතික පොලිස් කොමිෂන් සභාව විසින්.
විශ්‍රාමික මහාධිකරණ විනිසුරු A.A චම්පා රාජරත්නගේ ප්‍රධානත්වයෙන් එම මණ්ඩලය නම්කොට තිබෙන අතර පරිපාලන සේවයේ ජ්‍යෙෂ්ඨ නිලධාරීන් වන A.H ගමගේ සහ S.K ලියනගේ සෙසු සාමාජිකයින් වනවා.
පාස්කු ඉරු දින ප්‍රහාරය සම්බන්ධයෙන් ශ්‍රේෂ්ඨාධිකරණයෙන් වරදකරුවකු ලෙස නම්කොට දඩ නියම කෙරුණු රාජ්‍ය බුද්ධි සේවයේ හිටපු ප්‍රධානී සහ ජ්‍යෙෂ්ඨ නියෝජ්‍ය පොලිස්පති නිලන්ත ජයවර්ධනගේ විනය පරීක්ෂණය අවසන් වන තුරු ජාතික පොලිස් කොමිෂන් සභාව ඉකුත් (18) වැනිදා අනිවාර්ය නිවාඩු යැවීමට තීරණය කළා.