දේශීය
ජන අරගල ව්‍යාපාරයේ විරෝධයට එක්වූ 29ක් අත්අඩංගුවට
ජන අරගල ව්‍යාපාරය අද (20) පස්වරුවේ කොළඹදී පැවැත්වූ විරෝධතාව අතරතුරදී පුද්ගලයින් 29 දෙනෙකු පොලීසිය විසින් අත්අඩංගුවට ගත් බවට වාර්තාවනවා.
අත්අඩංගුවට ගත් පිරිස අතර භික්ෂූන් වහන්සේලා දෙදෙනෙක් සහ කාන්තාවන් තුන් දෙනෙක්ද වන බවයි වාර්තාවන්නේ.
එහිදී ළහිරු වීරසේකර සහ දුමින්ද නාගමුව යන අය අත්අඩංගුවට ගෙන තිබුණා.
මෙම සිදුවීමේදී පොලිස් නිලධාරීන් 5 දෙනෙකුද තුවාල ලබා තිබෙනවා.
භාණ්ඩ මිල ඉහළ යාම, විදෙස් ගිවිසුම් ඇතුළු කරුණු කිහිපයක් මුල්කරගෙන මෙම විරෝධතාව කොටුව දුම්රිය ස්ථානය අසලින් ආරම්භ කර තිබුණා.
පසුව විරෝධතාකරුවන් පිටකොටුව දෙසට ගමන් කිරීමත් සමග පොලීසිය පිරිස විසුරුවාහැරීම සඳහා අධිපීඩන ජල ප්‍රහාර හා කඳුළු ගෑස් ප්‍රහාර එල්ල කිරීමටද කටයුතු කළා.