රිය අනතුරකින් පුද්ගලයින් තිදෙනෙකු මරුට

කොළඹ – නුවර ප්‍රධාන මාර්ගයේ රංවල ප්‍රදේශයේදී ඊයේ (08) සිදු වු රිය අනතුරකින් පුද්ගලයින් තිදෙනෙකු මියගොස් තවත් දෙදෙනෙකු තුවාල ලබා තිබෙනවා.

පොලීසිය පැවසුවේ, කොළඹ – මහනුවර මාර්ගයේ දකුණු පසට බරව ධාවනය වූ වෑන් රථයක් ප්‍රතිවිරුද්ධ දිශාවට ධාවනය වූ යතුරුපැදි 3ක ගැටීමෙන් අනතුර සිදුව ඇති බවය.

අනතුරින් යතුරුපැදි තුනෙහි ගමන් ගත් 5 දෙනෙකු බරපතල තුවාල ලබා කෑගල්ල රෝහලට ඇතුළත් කිරීමේදී පුද්ගලයින් තිදෙනෙකු මියගොස් ති‌බෙනවා.

එලෙස මියගොස් ඇත්තේ, තුල්හිරිය හා වේයන්ගොඩ ප්‍රදේශවල පදිංචි 27 හැවිරිදි පුද්ගලයින් තිදෙනෙක්.

අනතුර සම්බන්ධයෙන් සැකපිට වෑන් රථයේ රියැදුරු අත්අඩංගුවට ගෙන ඇති අතර පොලිසිය පැවසුවේ, අපරික්ෂාකාරි රිය ධාවනය ඊට හේතුවී ඇති බවය.