සිව්වැනි දවස නිමාවන විට බංග්ලාදේශය ලකුණු 243ක් පිටුපසින්
ශ්රී ලංකාව සහ බංග්ලාදේශය අතර පැවැත්වෙන දෙවැනි ටෙස්ට් ක්රිකට් තරඟයේ සිව් වැනි දිනය අවසන් වනවිට බංග්ලාදේශ කණ්ඩායම සිය දෙවැනි ඉනිම සඳහා කඩුලු 7ක් දැවී ලකුණු 268ක් හිමිකර ගත්තා.
අද (02) දිනය ආරම්භ කරන විට කඩුලු 6ක් දැවී ලකුණු 102ක් ලබාගෙන සිටි සංචාරක ශ්රී ලංකා කණ්ඩායම සිය දෙවැනි ඉනිම සඳහා කඩුලු 7ක් දැවී ලකුණු 157ක් ලබා ගත්තා.
එහිදී ඇන්ජලෝ මැතිව්ස් ලකුණු 56ක් රැස් කළා.
පන්දු යැවීමෙන් හසන් මහමුද් ලකුණු 65කට කඩුලු 4ක් දවා ගත්තා.
ඒ අනුව තරඟයෙන් ජයග්රහණය සඳහා සත්කාරක බංග්ලාදේශ කණ්ඩායමට හිමිවූ ඉලක්කය ලකුණු 511ක්.
නමුත් සිව් වන දිනය සඳහා තරඟය නතර කරන විට බංග්ලාදේශ කණ්ඩායම සිය දෙවැනි ඉනිම සඳහා ලබා සිටියේ කඩුලු 7ක් දැවී ලකුණු 268ක් පමණයි.
මොනිමුල් හක් ලකුණු 50ක් රැස් කරගත් අතර ජයග්රහණය සඳහා ඔවුන් තවත් ලකුණු 243ක් ලබාගත යුතු වනවා.
මෙම තරඟයේ පළමුව පන්දුවට පහරදුන් ශ්රී ලංකා කණ්ඩායම සියලුදෙනා දැවී ලකුණු 531ක් රැස්කළා.
ඊට පිළිතුරු ලෙස බංග්ලාදේශ කණ්ඩායම රැස්කළේ ලකුණු 178ක් පමණයි.