දේශීය
කටුනායක ගුවන්තොටුපොළට එන වාහනවලට විශේෂ නිවේදනයක්
කටුනායක ගුවන්තොටුපොළේ පැමිණීම් පර්යන්තය පිටත වාහන නවතා තැබීම ක්රමවත් කිරීම සඳහා ගුවන්තොටුපොළ සහ ගුවන්සේවා සමාගම පියවර ගෙන තිබෙනවා.
ඒ අනුව රියදුරෙක් නොමැතිව වාහන එම ස්ථානයේ නවතා තැබීම තහනම් වන අතර ආගමන ගුවන් මගීන් රැගෙන යෑමට පැමිණි වාහන අදාළ රථගාල් වල සිට නියමිත වේලාවට පමණක් පැමිණීමේ පර්යන්තය පිටතට පැමිණිය යුතු බවයි දැනුම්දෙන්නේ.
රියදුරු සහිතව ද පරිශ්රය තුළ වාහන තදබදයක් ඇතිවන පරිදි විනාඩි 30කට වඩා එම ස්ථානයේ ගැවසෙන වාහන සඳහා ගුවන්තොටුපොළ පරිශ්රයෙන් පිටතට යනවිට විශේෂ ගාස්තුවක් අයකරන බව ගුවන්තොටුපොළ සහ ගුවන්සේවා සමාගම පවසනවා.
මෙහි අරමුණ වන්නේ අයථා වාහන සහ පුද්ගලයින් ගුවන්තොටුපොළ පරිශ්රයට පැමිණීම පාලනය කිරීම බව එම සමාගම වැඩිදුරටත් පෙන්වාදුන්නා.