කොළඹ ලොකු දුම්රිය ස්ථාන ගැන රජයෙන් තීරණයක්
කොළඹ නගරය ආශ්රිතව ප්රධාන දුම්රිය ස්ථාන පිහිටි ගොඩනැගිලි වාණිජ මධ්යස්ථාන වශයෙන් වැඩිදියුණු කිරීමට අදාළ යෝජනාවකට කැබිනට් අනුමැතිය හිමිව තිබෙනවා.
කොළඹ නගරය ආශ්රිතව පිහිටි වැල්ලවත්ත, බම්බලපිටිය, කොල්ලුපිටිය සහ කොම්පඤ්ඤවීදිය යන දුම්රිය ස්ථානයන් පිහිටි භූමින් හා ගොඩනැගිලි වාණිජ මධ්යස්ථාන වශයෙන් වැඩිදියුණු කිරීමේ ඉහළ විභවතාවක් පවතින බව 2023.11.06 වනදා පැවති අමාත්ය මණ්ඩල රැස්වීමේදී හඳුනාගෙන තිබුණා.
එම දුම්රිය ස්ථාන සහ ඊට අමතරව දෙහිවල සහ ගල්කිස්ස දුම්රිය ස්ථාන රාජ්ය-පෞද්ගලික හවුල්කාරීත්ව යටතේ ඉදිකර මෙහෙයුම් කර පවරාදීමේ ක්රමවේදය යටතේ සංවර්ධනය කිරීමට අදාළ යෝජනාවකට කැබිනට් අනුමැතිය හිමිව තිබෙනවා.
එමෙන්ම ඒ සඳහා උනන්දුවක් දක්වන ආයෝජකයින් වෙතින් අභිලාශ ප්රකාශ කිරීම් කැඳවීමට අදාළ යෝජනාවටද අනුමැතිය හිමිවුණා.
ප්රවාහන හා මහාමාර්ග අමාත්යවරයා සහ නාගරික සංවර්ධන අමාත්යවරයා ඒකාබද්ධව මෙම කැබිනට් යෝජනාව ඉදිරිපත් කර තිබුණා.