බන්ධනාගාර නිලධාරීන්ට 15,000 ක දීමනාවක්?
බන්ධනාගාර නිලධාරීන්ට වහාම ක්‍රියාත්මක වන පරිදි රුපියල් 15,000 ක දීමනාවක් ලබා දීමට අදාළ කැබිනට් පත්‍රිකාවක් යොමු කිරීමට අද දිනම අවශ්‍ය පියවර ගන්නා ලෙස අධිකරණය, බන්ධනාගාර හා ආණ්ඩුක්‍රම ප්‍රතිසංස්කරණ අමාත්‍ය විජයදාස රාජපක්ෂ මහතා උපදෙස් ලබා දී තිබෙනවා.
එහිදී අමාත්‍යවරයා සඳහන් කළේ, බන්ධනාගාර නිලධාරීන්ගේ දීමනා පිළිබඳව සමාලෝචනයක් සිදු කර තිබෙන බවයි.
විජයදාස රාජපක්ෂ මහතා මේ බව කියා සිටියේ අධිකරණ අමාත්‍යාංශයේ අද (20) පැවති සාකඡාවකදීයි.
අමාත්‍යවරයා එහිදී ප්‍රකාශ කළේ, පොලිස් නිලධාරීන්ට සමගාමීව දීමනා වැඩි කිරීමට එකඟතාවය පළ කළ අතර එතෙක් රුපියල් 15,000 දීමනාව ලබා දීමට පියවර ගන්නා බවයි.
ඒ අනුව ඉදිරි සතියේදී ඊට අදාළ කැබිනට් පත්‍රිකාව අමාත්‍ය මණ්ඩලයට යොමු කිරීමට පියවර ගන්නා බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි දිසානායක නිවේදනයක් නිකුත් කරමින් සඳහන් කළා.
කෙසේවෙතත් බන්ධනාගාර නිලධාරීන් අද රුපියල් 25,000ක වැටුප් වැඩිවීමක් ඉල්ලමින් වෘත්තීය ක්‍රියාමාර්ගයක නිරත වුණා.