ෆේස්බුක් බිඳ වැටීමෙන් මෙටා සමාගමට මිලියන 100 ක පාඩුවක්
ෆේස්බුක්, මැසෙන්ජර් සහ ඉන්ස්ට්‍රගෑම් සමාජ මාධ්‍ය හදිසියේ අක්‍රිය වීමෙන්, එම සමාජ මාධ්‍ය හිමිකාරීත්වය දරණ මාර්ක් සකර්බර්ග්ගේ Meta සමාගමට ඇමෙරිකන් ඩොලර් මිලියන 100 ක ආදායමක් අහිමිවී ඇති බව විදෙස් මාධ්‍ය වාර්තා කරනවා.
ලොව පුරා ෆේස්බුක්, මැසෙන්ජර් සහ ඉන්ස්ට්‍රගෑම් සමාජ මාධ්‍ය ඊයේ (05) දිනයේදී දැනුම්දීමකින් තොරව හදිසි බිඳ වැටීමක් සිදුවුණා.
මේ හේතුවෙන් රටවල් කීපයක ෆේස්බුක් පරිශීලකයින්ගේ සහ Instagram සහ Messenger ගිණුම් එක වරම බිඳ වැටුණු අතර ගිණුම්වලින් Logout වූ ඇතැම් පරිශීලකයින්ට නැවත තම ගිණුම් වෙත පිවිසීමට නොහැකි වුණා.
එහිදී ෆේස්බුක්, මැසෙන්ජර් සහ ඉන්ස්ට්‍රගෑම් යන සමාජ මාධ්‍ය තුනම මේ අයුරින් එකවිට අක්‍රියවූ පළමු අවස්ථාවද මෙය ලෙස සැලකෙන බවද සඳහන්.
ඒ හේතුවෙන් ෆේස්බුක්, මැසෙන්ජර් සහ ඉන්ස්ට්‍රගෑම් සමාජ මාධ්‍ය බිඳ වැටීමෙන් පසු Meta සමාගමේ කොටස් මිලද 1.5% කින් පහත වැටී ඇති බවද වාර්තාවනවා.
කෙසේවෙතත් ඊයේ දින සිදුවු බිඳ වැටීම පැය කිහිපයක පමණ කාලයක් අතරතුර යළි පිළිසකර කර තිබූ අතර Meta හි අභ්‍යන්තර පද්ධති ක්‍රියා විරහිත වීමෙන් හටගත් තාක්ෂණික දෝෂයක් හේතුවෙන් ෆේස්බුක්, මැසෙන්ජර් සහ ඉන්සග්‍රෑම් මාධ්‍ය එලෙස බිඳවැටුණු බවයි වාර්තාවන්නේ.